शीख यंग सर्कलतर्फे शीख समाजातील जेष्ठ सामाजिक कार्यकर्ते संतसिंग मोखा यांच्या अमृतमहोत्सवी अभिष्टचिंतन सोहळा उत्साहात संपन्न झाला . शिवाजीनगर येथील रामगडिया बोर्डाच्या सभागृहात झालेल्या या सोहळ्यामध्ये पुणे शहराचे महापौर मुरलीधर मोहोळ , आमदार सिध्दार्थ शिरोळे , श्रीकांत शिरोळे , राजेश पांडे , हरमिंदरसिंग घई , गुरुद्वारा गुरुनानक दरबारचे अध्यक्ष चरणजितसिंग सहानी , गुरुसिंग सभा गुरुद्वाराचे अध्यक्ष भोलासिंग अरोरा , देहूरोड गुरुद्वाराचे अध्यक्ष गुरुमितसिंग रत्तू , रामगडिया बोर्डाचे अध्यक्ष मनजितसिंग बिल्कू , मनजितसिंग विरदी , सुरजितसिंग मोखा , बच्चूसिंग टाक , बलवीरसिंग वोरा , प्रिती भट्टी , डिंपल साही , गुरुमित कौर , करमजितसिंग गील आदी मान्यवर उपस्थित होते .
यावेळी संतसिंग मोखा यांचा महापौर मुरलीधर मोहोळ यांच्याहस्ते तलवार , शाल व पुष्पगुछ देऊन सन्मानित करण्यात आले . या कार्यक्रमाचे प्रास्तविक व उपस्थितांचे स्वागत शीख यंग सर्कलचे अध्यक्ष अमरजितसिंग परिहार यांनी केले तर आभार दलजितसिंग रँक यांनी मानले .
